Diabetes Mellitus Tipo 1, Dislipemia e Complicacións Vasculares

Resumo

A principal causa de morte nos pacientes con diabetes mellitus tipo 1 (DM1) é a enfermidade cardiovascular (ECV). Os factores de risco cardiovascular (FRCV) tradicionais non chegan para explicar a elevada prevalencia de eventos cardiovasculares que presentan as persoas con DM1. O obxectivo é describir as características dos pacientes con DM1 e coñecer: a prevalencia de obesidade, tabaquismo e dislipemia; o grao de control lipídico e o tratamento hipolipemiante empregado; a prevalencia de comorbilidades microvasculares e macrovasculares; e a concomitancia con outras enfermidades autoinmunes. Para iso, realizamos un estudo retrospectivo observacional multicéntrico (N=1252) de pacientes con Diabes Mellitus tipo 1 das bases de datos clínicas dos servizos de Endocrinoloxía dos hospitais de Santiago de Compostela, A Coruña, Ferrol e Pontevedra. Recolléronse as seguintes variables: data da visita, idade, sexo, altura, peso, tabaco, HTA, perfil lipídico, tratamento hipolipemiante, complicacións macro e microvasculares, enfermidades autoinmunes asociadas. Os nosos resultados permítennos concluír que os pacientes con DM1 amosaron unas cifras de prevalencia de ECV e factores de risco cardiovascular similares ás dispoñibles na literatura científica, o que confirma o seu alto risco cardiovascular.