DOR LUMBAR CON TRAMPA

Resumo

Resumo

1. Ámbito: Atención primaria e atención hospitalaria.

2. Motivo de consulta: Dor lumbar dereita

3. Historia clínica:

• • Antecedentes persoais: Sen antecedentes de interés. Non alerxias medicamentosas coñecidas. Deportista.

  • Anamnese: Varón de 23 anos que ven á consulta por dor lumbar dereita de 3 dias de evolución. A dor empeora cos movementos, irradia a cara interna de coxa e non mellora ca toma de analxesia nin coa fisioterapia. Reconsulta esa mesma tarde por tiritona sen outra clínica nova . Non presenta síntomas urinarios nin gastrointestinais.

  • Exploración física: TA 126/74, FC 72, Tº37,7 BEX, COC,

Lasegue negativo, forza e sensibilidade normais. Dor coa flexión da coxa dereita e manobras de estiramento psoas.

Non dor en apófisis espinosas

Abdomen: Depresible e non doloroso.

PPR: Dereita positiva.

Probas complementarias en primaria:

Multistix normal.

1. Xuizo clínico / diagnostico diferencial: plantexase como primeiro diagnóstico lumbalxia, posteriormente ante a aparición de febrícula e a ausencia de datos de infección a outros niveis, remítese a urxencias coa sospeita de absceso de psoas.

1. Evolución do caso:

Tras a primeira valoración en urxencia hospitalaria, na que non se realizan probas complementarias, consulta de novo de madrugada, e emprázase para relizar ecoscopia en AP á mañá seguinte, que resulta normal. O paciente segue con clínica, o que condiciona dúas novas asistencias a urxencias hospitalarias, nas cales, tras a realización de varias analíticas, ecografía, TC e por fin RM acádase o diagnóstico de piomisite do psoas, motivo polo que ingresa para antibioterapia IV (Cefazolina)

1. Conclusions: Unha boa anamnese e exploración física pode permitir un diagnóstico precoz e adecuado incluso en patoloxías infrecuentes. Neste caso a perspectiva integradora da exploración musculoesquelética, os signos físicos e as probas sinxelas acadaron un diagnóstico máis precozmente que outras probas complementarias máis complexas.