Eritema multiforme

Resumo

                                                            Eritema multiforme

Ámbito: Atención Primaria (Urxencias e Centro de Saúde), Dermatoloxía

Motivo de consulta: lesións cutáneas palmo-plantares prurixinosas

Anamnese:

• Antecedentes persoais:

• Non alerxias medicamentosas coñecidas
• Fumadora activa
• Artrose cervical

• Enfermidade actual: muller de 53 anos que acude por urxencias por lesións cutáneas intensamente prurixinosas en palmas e plantas. Mesmas lesións en cavidade bucal. Indica, así mesmo, herpes labial de inicio fai 5 días.

Ao indagar, refire  que tivo estas mesmas lesión anteriormente  en outras dúas ocasións, sempre coincidindo cun herpes labial.

Exploración física:

• Bo estado xeral, consciente, colaboradora.
• Normoperfundida, normohidratada, normocoloreada. Afebril.
• Lesións eritematosas en palmas, plantas e pulsos, en diferentes estados evolutivos, pero todas elas con aspecto de “lesións en diana”.
• Mucosa bucal afectada con mesmas lesións.

Probas complementarias: diagnóstico eminentemente clínico polo que non se solicita, inicialmente, ningunha proba complementaria.

Xuízo clínico: Eritema multiforme

Diagnóstico diferencial: Síndrome de Stevens-Johnson, Necrólisis Epidérmica Tóxica, exantema vírico, vasculite, picaduras de insectos, enfermidade man-pé-boca.

Plan de actuación e tratamento:

• Derivación preferente ao servicio de Dermatoloxía.
• Visita médica inicial: corticoides orais (5 días) e tópicos e hidroxicina para o prurito. Profilaxe con valaciclovir (500mg/día) por terceiro brote de eritema multiforme en contexto de infección por virus herpes simple. Na boca, enxaugues con lidocaína.
• En Dermatoloxía, confírmase o diagnóstico. Continuar co tratamento pautado. Revisión nuns meses con analítica sanguínea.

Evolución:

A paciente acude á semana ao seu médico de atención primaria con gran melloría. As visitas posteriores en Dermatoloxía e Atención Primaria confirman a resolución completa das lesións e a ausencia de novos brotes.

Conclusións:

• O eritema multiforme é unha afección cutánea pouco común, pero moi comunmente desencadeada por  unha infección por virus herpes simple.
• Vital importancia dunha detallada anamnese e exploración física adecuada.
• Papel fundamental da Atención Primaria no seguimento estreito dos pacientes á hora de valorar a evolución dos mesmos.