Pontevedra: Cidade amigable coa idade?

Análise cualitativa fundamentada na metodoloxía científica propia da Enfermaría

Resumo

Título: Pontevedra: Cidade amigable coa idade? Análise cualitativa fundamentada na metodoloxía científica propia da Enfermaría.

Obxectivo: Avaliar, a través das percepcións de informantes clave, se Pontevedra responde ao modelo de Cidade Amigable coa Idade proposto pola Organización Mundial da Saúde (OMS), identificando necesidades percibidas por persoas maiores e traducíndoas á taxonomía enfermeira.

Deseño: Estudo cualitativo baseado na Investigación-Acción Participativa (IAP).

Emprazamento: Cidade de Pontevedra, Galicia, España.

Método/Medicións: A investigación fundamentouse no Proceso de Atención de Enfermaría (PAE), metodoloxía científica propia da disciplina, estruturada en cinco fases. A fase de valoración desenvolveuse mediante un grupo focal con persoas maiores. A partir da análise do discurso, identificáronse necesidades biopsicosociais, que foron interpretadas e categorizadas segundo os criterios do modelo de Cidades Amigables coa Idade da OMS. Finalmente, traducíronse ao linguaxe taxonómico enfermeiro (NANDA-I, NIC e NOC).

Resultados: Pontevedra amosa un perfil maioritariamente aliñado co modelo de Cidades Amigables coa Idade, con avances significativos en accesibilidade e participación. Con todo, persisten déficits en servizos públicos, vivenda e apoio comunitario.

Conclusións: Os achados permiten considerar que Pontevedra se aproxima ao modelo de Cidade Amigable coa Idade, aínda que con áreas mellorables. A aplicación do Proceso de Atención de Enfermaría permitiu analizar a saúde comunitaria de forma estruturada e traducir os resultados ao linguaxe propio da profesión, achegando unha base útil para planificar intervencións contextualizadas.