Determinantes sociais e violencia de xénero: unha revisión sistemática.

Resumo

Título: Determinantes sociais e violencia de xénero: Unha revisión sistemática.

Obxectivo: : Identificar os patróns socioeconómicos que aumentan a violencia de xénero e os perfís demográficos máis vulnerables. Búscase, en definitiva, aportar información para futuras estratexias de intervención comunitaria que reduzan o número de vítimas.

Deseño: Revisión Sistemática.

Emprazamento: Medicina Comunitaria.

Método: Efectuouse unha busca en bases de datos, seguindo as guías PRISMA e recollendo resultados publicados entre 2015 e 2025 que avaliaran a relación entre os Determinantes Sociais da Saúde e a Violencia na Parella.

Resultados: Incluíronse 15 publicacións: 3 estudos de cohortes e 12 estudos transversais, avaliando así unha poboación de 67074 europeos e europeas adultos. Os resultados organizáronse en función de cada factor socioeconómico examinado.

Conclusións: A Violencia de Xénero é unha casuística transversal a tódolos países europeos, onde os Determinantes Sociais da Saúde xogan un papel fundamental. Son necesarias futuras investigacións de carácter lonxitudinal, preferiblemente colaborativas a nivel internacional, que estuden máis a fondo as causas da violencia na parella e as estratexias de prevención idóneas para freala.