Hábitos saudables, sorrisos bonitos

Autores/as

  • Eliseo Manuel Álvarez Martínez USF Alcaides de Faria
  • Andreia Patrícia Machado Fino
  • Rita Magalhães Costa
  • Ana Teresa Barbosa Maciel Meira Peixoto
  • Rodolfo Duarte
  • Cátia Fernandes

Resumen

Obxectivos: Promover a saúde oral a través da educación para hábitos correctos e regulares de hixiene oral. Analizar o impacto da intervención nas escolas, desde o punto de vista dos rapaces e dos seus encargados de educación (EE).

Descrición: Realizáronse sesións teórico-prácticas de educación sobre saúde oral a alumnos de terceiro de primaria de cinco escolas. Elaboráronse cuestionarios sobre a saúde oral dos rapaces e percepción de hábitos polos EE, que foron distribuídos e cubertos en dúas fases: previamente á intervención e 14 días despois. Utilizouse SPSS® para análise descritiva, estudo de asociacións e diferenzas estatísticas. Definiuse "éxito da intervención" como a obtención de polo menos dun 80% de respostas correctas no 50% dos segundos cuestionarios.

Da mostra inicial (n=110) obtivéronse respostas de 110 e 109 rapaces e de 93 e 84 EE, pre e post-intervención, respectivamente. En todas as preguntas do segundo cuestionario houbo un aumento de respostas correctas polos rapaces. Os EE obtiveron unha mellora no 57% das preguntas no segundo cuestionario, verificándose un aumento dun 20,7% no tempo de cepillado e dun 18,1% na súa frecuencia.

Conclusión: Foi atinxido o obxectivo de 80% de respostas correctas no segundo cuestionario no 79,8% dos rapaces e no 65,4% dos EE. A principal limitación do estudo foi a menor adhesión dos pais no segundo cuestionario. A pesar diso, verificouse unha mellora nos coñecementos e hábitos de hixiene dental nos 14 días posteriores á intervención.

A saúde oral, frecuentemente infravalorada pola poboación xeral, condiciona en grande medida a saúde xeral das persoas. Coñecer o impacto da intervención a través de ferramentas de medida permite optimizar os recursos dispoñibles, priorizando aquelas intervencións mais eficaces.

Aplicabilidade: dados os resultados positivos obtidos, a replicación da intervención noutros centros escolares pode expandir o efecto beneficioso desta, con melloras na saúde presente e futura dos rapaces.

Publicado

20-05-2023

Cómo citar

1.
Álvarez Martínez EM, Machado Fino AP, Magalhães Costa R, Barbosa Maciel Meira Peixoto AT, Duarte R, Fernandes C. Hábitos saudables, sorrisos bonitos. Cad.Aten.Primaria [Internet]. 20 de mayo de 2023 [citado 29 de marzo de 2024];28(3). Disponible en: https://journal.agamfec.com/index.php/cadernos/article/view/57